OPO.... Gagawin Ko

Hi Guyz,

Im back!! medyo matagal din akong nawala sa sirkulasyon because of my very busy schedule. By the way, meron po akong gustong i-share sa inyo na letter.

I love the story of this one because ito talaga yung mga totoong nangyayari sa buhay ng tao or sa isang pamilya, nakakatakot lamang maranasan to ng ating mga magulang... Sana, magawan natin ng paraan para naman hindi ito mangyari sa kanila...

"Sana sa pamamagitan ng letter na 'to is malaman natin ang kahalagahan ng ating mga magulang..."


Mahal kong anak,

Sa aking pagtanda, unawain mo sana ako at pagpasensiyahan.

Kapag dala ng kalabuan ng mata ay nakabasag ako ng pinggan o nakatapon ng sabaw sa hapag kainan, huwag mo sana akong kagagalitan. Maramdamin ang isang matanda.

Nagse-self-pity ako sa tuwing sinisigawan mo ako.

Kapag mahina na ang tenga ko at hindi ko maintindihan ang sinasabi mo, huwag mo naman sana akong sabihan ng "binge!" paki-ulit nalang ang sinabi mo o pakisulat nalang.

Pasensya ka na, anak. Matanda na talaga ako.

Kapag mahina na ang tuhod ko, pagtiyagaan mo sana akong tulungang tumayo, katulad ng pag-aalalay ko sa iyo noong nag-aaral ka pa lamang lumakad.

Pagpasensyahan mo sana ako kung ako man ay nagiging makulit at paulit-ulit na parang sirang plaka. Basta pakinggan mo nalang ako. Huwag mo sana akong Pagtatawanan o pagsasawaang pakinggan. Natatandaan mo anak noong bata ka pa? kapag gusto mo ng lobo, paulit-ulit mo 'yong sasabihin, maghapon kang mangungulit hangga't hindi mo nakukuha ang gusto mo. Pinagtyagaan ko ang kakulitan mo.

Pagpasensyahan mo na rin sana ang aking amoy. Amoy matanda, amoy lupa. Huwag mo sana akong piliting maligo. Mahina na ang katawan ko. Madaling magkasakit kapag nalamigan, huwag mo sana akong pandirihan. Natatandaan mo noong bata ka pa? Pinagtyagaan kitang habulin Sa ilalim ng kama kapag ayaw mong maligo.

Pagpasensyahan mo sana kung madalas, ako'y masungit, Dala na marahil ito ng katandaan. Pagtanda mo, maiintindihan mo rin.

Kapag may konti kang panahon, magkwentuhan naman tayo, kahit sandali lang. Inip na ako sa bahay, maghapong nag-iisa. Walang kausap. Alam kong busy ka sa trabaho, subalit nais kong malaman mo na sabik na sabik Na akong makakwentuhan ka, kahit alam kong hindi ka interesado sa mga kwento ko. Natatandaan mo anak, noong bata ka pa? Pinagtyagaan kong pakinggan at intindihin ang pautal-utal mong kwento tungkol sa iyong teddy bear.

At kapag dumating ang sandali na ako'y magkakasakitat maratay sa banig ng karamdaman,huwag mo sana akong pagsawaang alagaan.

Pagpasensyahan mo na sana kung ako man ay maihi o madumi sahigaan, Pagtyagaan mo sana akong alagaan sa mga huling sandali ng aking buhay.

Tutal hindi na naman ako magtatagal.

Kapag dumating ang sandali ng aking pagpanaw, hawakan mo sana ang aking kamayAt bigyan mo ako ng lakas ng loob na harapin ang kamatayan.

At huwag kang mag-alala, kapag kaharap ko na ang Diyos na lumikha,

ibubulong ko sa kanya na pagpalain ka sana ..... Dahil naging mapagmahal ka sa iyong Ama't Ina...

RULES & REGULATIONS

Ni Hao ma!!

Haha... It's nice to be back!!!! Share ko lang po sa inyo yung email na nareceive ko galing kay sikoletlover... hehe, for sure dami tatamaan dito... Xie Xie, Enjoy reading.....

"Etiquette sa inuman- basahin at matuto"

Sa inuman:

1. Pag abot ng baso- 3 minutes ang pinakamatagal na pag hintay. Mag bigay ng konsiderasyon sa mga ibang umiinom- sundin ang gintong kasabihan

"Di bale ng magtagal sa ke*@ at su&% wag lang sa baso"
2. Pag tapos tumagay - ibalik sa tanggero ang baso- tinagayan ka na, baka
naman pedeng ibalik mo sa kanya. hindi ka prinsipe.
3. Ang chaser ay panawid lasa- hindi panawid uhaw. dun ka sa gripo
lumaklak kung kakatapos mo lang mag gym.
4. Iwasan ang magtapon ng alak. binabayaran yan. Di ka pa nga ata nag
ambag...aaksayahin mo pa..tigas ng mukha mo tlga ever..hehe..
5. Siguraduhing magaambag ka sa inuman- tigas mo naman kung makiki-inom ka
ng libre- pede ka lang malibre kung nilibre ka nila o niyaya ka kahit sabi
mong wala kang pera

Sa Pulutan:

1. Una sa lahat, ang pulutan ay panawid pait, hindi panawid gutom- kumain
ka sa inyo kung gutom ka. wag kang kung-fu kid! haha

2. Pag ginagamit ang tinidor, huwag mong kakamayin- para kang walang pinag
aralan.
3. Pagkain ng isda, hindi binabaliktad- sabi nila sa mga marino galing ang
istilo na to para hindi tumaob ang barko.
4. Huwag mag reklamo kung ano ang nakahain. tandaan hindi to fiesta,
inuman to.
5. Ang tinik,buto at mga parteng hindi makakain ilagay sa tabi- huwag kang
baboy. Kung hindi ka tanggero, guitarista at birthday boy/girl- pede kang magluto
at tumulong sa iba pang gawain sa inuman. hindi ka pinanganak na
senyorito, kung pakiramdam mo hari ka- dun ka sa kaharian mo maginom

Asal sa Mesa :

1. Kung isa lang ang tinidor, huwag mag inarte- Koboy dapat. inuman to-
hindi sosyalan,
2. Sa kuwentuhan, alam na namin na kayo ang pinaka-siga, maraming chicks,
mayaman, maporma at pinaka magaling sa lahat ng bagay. Huwag mo ng
ikuwento.
3. Pag bisita ka, makitawa sa mga joke nila- makihalubilo, aalukin ka nila
ng ilang beses pero huwag mong abusuhin- hindi ka sanggol.
4. Huwag rin masyadong pasikat- ok lang magkuwento pag dayo ka- huwag ka
lang kupal.
5. Huwag na huwag mambabara kung bisita ka. Pede lang mambara kung kupal
ang binara.

6. Irespeto ang opinyon ng iba, tulad ng pagrespeto mo sayo.
7. Pag hindi na kaya- pwedeng pumas- huwag maging pasikat - kupal ang
dating mo non.
8. Magpatawa ka para masaya- kung mang aasar ka sa tropa sigraduhin
nakakatawa, hindi panlalait. Konsiderasyon sa bisita.
Ang pagiging siga ay hindi masaya sa inuman.
9. Huwag makipag sabayan. Buraot ang alagaing lasing.
10. Bigyan ng pugay ang nagpainom at may birthday - wag kang agaw eksena.
11. Goodtimes lagi.

After ng Inuman:

1. Ugaliing tumulong magligpit.
2. Kung di na kaya humiga sa isang tabi
3. Kung di tumutulong magligpit - huwag makulit.
4. Huwag kalimutan magpaalam sa nag painom at mga kainuman.
5. Kung aalis sa kalagitnaan ng inuman, gawing habit ang magiwan ng
pangambag.

Suka Tips:

1. Pag naduduwal na, kumuha ng matamis para may pangsabay sa bibig pag
naglalaway na.
2. Huwag magyoyosi pagnasusuka na, iba ang epekto ng usok sa tyan pag
nakainom.
3. Pag nakakaramdam na ng suka, tumayo agad at dumiretso sa pinakamalapit
na sukahan- (banyo, inodoro.)
4. Magmumog lagi pagkatapos sumuka- kadiri bibig mo brad.
5. At kung plano pang bumalik sa mesa- siguraduhing malinis ang itsura.
Para di ka itaboy.

Tanggero Tips:

1. Bilang punong naatasan sa pag pasa ng tagay, siguraduhing kumpleto ka
ng gamit tulad ng: tabo ng tubig (pangbanlaw ng baso pag beer ang iniinom) pambukas, at lighter.
2. Ang obligasyon mo ay ipasa ang tagay sa lahat ng manginginom, mga
nagambag - alukin ang lahat ng bisita.

Sa Mga Manginginom :

1.Pakunsuwelo sa mga nagpainom at tanggero, alalayan sila tulad ng pag
replenish ng yelo, pulutan, pagbili ng pulutan at pagpapalit ng music kung
walang naatasang dj.
2. Panatilihing masaya ang inuman, makinig sa sasabihin ng iba kung drama,
at mag saya para makalimot sa problema-


Mabuhay ang mga manginginom! !! Inuman na!!!